२१ लाख ६० हजार नगदसहित प्रतापपुरबाट दुई जना पक्राउ

अन्य

Home
अन्य
२१ लाख ६० हजार नगदसहित प्रतापपुरबाट दुई जना पक्राउ

२१ लाख ६० हजार नगदसहित प्रतापपुरबाट दुई जना पक्राउ

पश्चिम नवलपरासी ।

पश्चिम नवलपरासीको प्रतापपुर गाउँपालिका–९, बेलाटारी क्षेत्रबाट स्रोत नखुलेको रु. २१ लाख ६० हजार नगदसहित दुई जना पक्राउ परेका छन्। लुम्बिनी प्रदेश प्रहरी कार्यालय दाङ, जिल्ला प्रहरी कार्यालय नवलपरासी तथा मातहतका कार्यालयबाट खटिएको संयुक्त प्रहरी टोलीले चेकजाँचका क्रममा उनीहरूलाई नियन्त्रणमा लिएको हो। पक्राउ पर्नेमा प्रतापपुर गाउँपालिका–६, गुठीप्रसौनी बस्ने २५ वर्षीय अंकित गुप्ता र सोही स्थानका २० वर्षीय अभिनन्दन गुप्ता रहेका छन्। प्रहरीका अनुसार युपी ५६ बियच ६५६५ नम्बरको मोटरसाइकलमा सवार भएर आएका उनीहरूलाई रोकी जाँच गर्दा मोटरसाइकलभित्र लुकाएर राखिएको अवस्थामा स्रोत नखुलेको उक्त रकम बरामद गरिएको हो। बरामद रकमको स्रोत तथा घटनाबारे थप अनुसन्धान भइरहेको प्रहरीले जनाएको छ।

प्रकाशित मिति: सोमबार, भदौ २२, २०८३ २१:२०

प्रतिक्रिया दिनुहोस्