शसस्त्र प्रहरीको सुस्ताको अवैध गोदाममा छापा, ठुलो परिमाणमा मटर र चिनी बरामद

अन्य

Home
अन्य
शसस्त्र प्रहरीको सुस्ताको अवैध गोदाममा छापा, ठुलो परिमाणमा मटर र चिनी बरामद

शसस्त्र प्रहरीको सुस्ताको अवैध गोदाममा छापा, ठुलो परिमाणमा मटर र चिनी बरामद

नवलपरासीको सुस्ता बाट सशस्त्र प्रहरीले ठुलो परिमाणमा चिनी र केराउ बरामद गरेको छ । सुस्ता गाउँपालिका–१ बरुवमा रहेको एक गोदाममा छापा मारेपछि समान बरामद भएको हो । भारतबाट अवैधरूपमा ल्याई भण्डारण गरेको सुचनाको आधारमा सशस्त्र प्रहरी बल नेपाल नम्बर २६ गण पश्चिम नवलपरासिबाट सशस्त्र प्रहरी उपरीक्षक प्रकाश वाग्लेको कमान्डमा गएको टोलीले सोमबार साँझ गोदाममा छापा मारेको हो ।

सो क्रममा १५ सय बोरा बढि चिनी मटर र २ सय बेरा जती चिनी बरामद गरिएको सशस्त्र प्रहरीले जनाएको छ ।
स्थानीय ज्ञानु अर्यालको घर पछाडि करिब ५० फिट लम्बाइ र ३० फिट चौडाइको टिनको गोदाममा लुकाइराखेको अवस्थामा चिनी र केराउ बरामद भएको सशस्त्र प्रहरीले जनाएको छ । करिब ४५ लाख मूल्यभन्दा बढीको अनुमान गरिएको चिनी र केराउ आवश्यक कारबाहीका लागि महेशपुर भन्सार कार्यालय नवलपरासी बुझाइएको छ ।

प्रकाशित मिति: मंगलबार, फागुन २२, २०८० ०६:२८

प्रतिक्रिया दिनुहोस्