ठाउँ ठाउँमा प्रहरी चेकिङ तर रोकिदैन तस्करी

संघीय सरकार

Home
संघीय सरकार
ठाउँ ठाउँमा प्रहरी चेकिङ तर रोकिदैन तस्करी

ठाउँ ठाउँमा प्रहरी चेकिङ तर रोकिदैन तस्करी

पश्चिम नवलपरासीः पूर्वी नवलपरासीको कावासोतीबाट मंगलबार ठुलो परिमाणमा भारतबाट भन्सार छली गरी ल्याएका अबैध कपडा बरामद भयो । प्रहरीले फलफुल चोकमा चेकजाँच गर्ने क्रममा ना ३ ख ४६६२ नम्बरको ट्रकबाट ६२ लाख ५० हजार बराबरको कपडा फेला पा¥यो ।
यसरी भन्सार छली गरी ल्याईएका सामान बरामद भएको यो पहिलो घटना भने होईन । यी र यस्ता समाचार निरन्तर आईरहन्छन् । पछिल्लो समय सिमा नाकामा कडाई गरिएको बताईए पनि तस्करी हुने क्रम भने रोकिएको छैन ।
प्रहरीले एक हजार थान कुर्था सुरुवाल, १४ हजार ५ सय ६२ मिटर काँचो थान कपडा र १ हजार ५ सय थान साडी बरामद गरेको थियो । बरामद गरेका सबै सामान पश्चिम नवलपरासीको महेषपुर भन्सार कार्यालयमा बुझाईसकेको छ ।
पूर्वी नवलपरासीमा भारतिय सिमाबाट सामान भित्राउने त्रिवेणी नाका बाहेक अरु कुनै नाका छैन । त्रिवेणी आफैमा बन्द नाका हो । खुल्ला सिमा नभएका कारण त्यति सहज देखिदैन । भित्रिएको भए पनि पश्चिम नवलपरासी हुँदै पूर्वी नवलपरासी लैजानुपर्ने बाध्यकारी अवस्था छ ।
पश्चिम नवलपरासीको बर्दघाट टिसियनचोकमा पनि निरन्तर प्रहरीको चेकजाँच चलिरहेकै हुन्छ । पश्चिम बाट पूर्व सामान लैजानका लागि बर्दघाट टिसियनचोक पार नगरी प्राय सम्भव नै छैन ।
प्रहरीले चेकजाँच गरेको जस्तो पनि देखिन्छ तर पूर्वी नवलपरासीमा धमाधम भन्सार छलिका सामान प्रहरीले बरामद गरिरहँदा पश्चिम नवलपरासीको प्रहरी प्रशासन प्रति पनि प्रश्न उठ्ने गरेको छ ।
पश्मि नवलपरासीको दक्षिणी सिमाना भारतिय सिमा संग जोडिएको छ । सिमा नाकामा तस्करी भैरहँदा सुरक्षा निकाय संग मिलेमोतो भएको आरोप पनि लाग्ने गर्छ । सानो परिमाणमा प्रहरीले भन्सार छलिका सामान बरामद गरेको समाचार आउने गरे पनि सिमानाकाबाट हुने तस्करी प्रभावकारी रुपमा न्यूनिकरण हुन सकेको छैन ।
सिमानाकाबाट कपडा, चिनी, ईलेक्ट्रोनिक्स सामान, मोबाईल पार्टस तथा खाद्यान्न लगायतका सामानहरुको ओसारपरार भैरहेको गुनासो छ । सिमाबाट सामान भित्रिएपछि सिमामै रहेका सुरक्षा चौकी, विभिन्न ठाउँमा चेकपोष्ट पार गर्दै बर्दघाटको टिसियनचोक पार गर्दै पूर्व तर्फ जाने गर्दछ ।
दाउन्ने, दुम्कीबास हुँदै राजमार्गमा भएका प्रहरि चेकीङ छलेर अबैध सामान पूर्वका विभिन्न बजार सम्म पुग्ने गर्दछ । छिटफुट रुपमा सामान छोपिने गरे पनि ठुलो परिमाणमा हुने तस्करीका सामान कम मात्रामा मात्र प्रहरीले नियन्त्रणमा लिने गर्दछ ।
जिल्ला प्रहरी कार्याल नवलपरासी पश्चिमका प्रहरी उपरिक्षक राम केशीले खुल्ला सिमानाका भएका कारण तस्करी नियन्त्रणमा समस्या भैरहेको बताएका छन्। उनले प्रहरीले मात्र चाहेर नियन्त्रण गर्न नसकिने बताउँदै सबैको साथ आवश्यक रहेको बताऊछन्।
प्रहरी, स्थानिय र शसस्त्र प्रहरी सबैको साथ भए मात्र काम गर्न सहज हुने उनको भनाई छ ।
नवलपरासी पश्चिमको सिमा क्षेत्रमा आधा दर्जन बढि शसस्त्र प्रहरीका र १ दर्जन बढि नेपाल प्रहरीका पोष्टहरु रहेका छन् । ठाउँ ठाउँमा रहेका नेपाल प्रहरी र शसस्त्र प्रहरीका चेकपोष्ट छल्दै तस्कर भैरहनुले नेपाल प्रहरी र शसस्त्र प्रहरी दुवै प्रति प्रश्न तेर्सिएको छ ।
रुपन्देही, कपिलबस्तु लगायतका जिल्ला बाट हुने तस्करीका सामान पनि पश्चिम नवलपरासी हुँदै पूर्वी नेपालका विभिन्न बजारमा पुग्ने गर्दछन् । सुनवल, भुमही, बर्दघाट लगायतका क्षेत्रमा राजमार्गमै चेकजाँच हुने गरेको छ तर सामान भने पूर्वी नवलपरासी पुगेर प्रहरीले नियन्त्रणमा लिएपछि सुरक्षा निकाय प्रति भैरहेको आशंकालाई थप बल पुग्ने देखिन्छ ।