भोटेकोसी बाढी प्रभावितका लागि निःशुल्क स्वास्थ्य शिविर, ७८ जनाले लिए सेवा

स्वास्थ्य

Home
स्वास्थ्य
भोटेकोसी बाढी प्रभावितका लागि निःशुल्क स्वास्थ्य शिविर, ७८ जनाले लिए सेवा

भोटेकोसी बाढी प्रभावितका लागि निःशुल्क स्वास्थ्य शिविर, ७८ जनाले लिए सेवा

नुवाकोट । नुवाकोटमा भोटेकोसी बाढीबाट प्रभावित क्षेत्रका नागरिकका लागि निःशुल्क स्वास्थ्य शिविर सञ्चालन भइरहेको छ। सेवा इन्टरनेसनल नेपालको सहकार्यमा नेपाल सीएमए संघले सञ्चालन गरेको शिविरमा बाढी प्रभावित नागरिकको स्वास्थ्य परीक्षणसँगै आवश्यक स्वास्थ्य परामर्श र औषधि वितरण भइरहेको छ।

शिविरको दोस्रो दिन पनि स्वास्थ्यकर्मीहरूले प्रभावित क्षेत्रका नागरिकलाई सेवा दिएका छन्। चितवनका स्वास्थ्यकर्मी सुरेन्द्र धिताल लगायत स्वास्थ्यकर्मीहरू शिविरमा खटिएर प्रभावित नागरिकको स्वास्थ्य परीक्षण तथा उपचारमा सहयोग गरिरहेका छन्।

बाढीपछि प्रभावित क्षेत्रमा स्वास्थ्यसम्बन्धी विभिन्न समस्या देखिन सक्ने भएकाले विपद्को समयमा स्वास्थ्य सेवा सहज रूपमा उपलब्ध गराउनु आवश्यक रहेको स्वास्थ्यकर्मीहरूले बताएका छन्। प्रभावित नागरिकलाई तत्काल स्वास्थ्य परीक्षण, आवश्यक परामर्श तथा औषधि उपलब्ध गराउने उद्देश्यले शिविर सञ्चालन गरिएको हो।

विपद्का कारण नियमित स्वास्थ्य सेवामा पहुँच कठिन भएका नागरिकलाई लक्षित गरी सञ्चालन गरिएको शिविरमा स्थानीय बासिन्दाको उल्लेख्य सहभागिता रहेको छ। स्वास्थ्यकर्मीहरूले स्वास्थ्य परीक्षणसँगै आवश्यक औषधि समेत निःशुल्क वितरण गरेका छन्।

शिविरको दोस्रो दिन ७८ जना बाढी प्रभावित नागरिकले निःशुल्क स्वास्थ्य परीक्षण तथा औषधि सेवा लिएका छन्।