पुर्व राजा ज्ञानेन्द्र शाह भोली नवलपरासी आउदै, बर्दघाटे मन्दिरमा पुजाआजा गर्ने

अन्य

Home
अन्य
पुर्व राजा ज्ञानेन्द्र शाह भोली नवलपरासी आउदै, बर्दघाटे मन्दिरमा पुजाआजा गर्ने

पुर्व राजा ज्ञानेन्द्र शाह भोली नवलपरासी आउदै, बर्दघाटे मन्दिरमा पुजाआजा गर्ने

कपिलवस्तुमा शनिबार पृथ्वीनारायण शाहको शालिक अनावरण गर्दे पुर्वराजा

भैरहवालाई मुकाम बनाएर दुई साता देखि रुपन्देहि र कपिलवस्तुका विभिन्न कार्यक्रममा सहभागि हुदै आउनुभएका पूर्वराजा ज्ञानेन्द्र शाह भोली मंगलबार नवलपरासी आउदै हुनुहुन्छ । सरावल गाँउपालिकाको वडा नम्बर ७ स्थीत सिमावर्ती क्षेत्रमा रहेको बर्दघाटे कालिका मन्दिरमा पुजाआजाका लागी पुर्व राजा शाह नवलपरासी आउन लाग्नुभएको हो । भोली दिउसो एक बजे नवलपरासी आउने शाहले बर्दघाटे मन्दिरमा पुजाआजा गर्ने कार्यक्रम छ भने शुभेच्छुकहरु संग पनि भलाकुसारी गर्ने स्वागत अभिनन्दन मुल समारोह समितिका संयोजक सुधिर प्रसाद पाण्डेले जानकारी दिनुभयो । पुर्व राजाको स्वागतमा राष्ट्रिय प्रजातन्त्र पार्टीले आवश्यक तयारी गरेको जनाएको छ । प्रतिनिधि सभा सदस्य तथा राप्रपा उपाध्यक्ष धुव्रबहादुर प्रधान पनि अहिले नवलपरासीमै बसेर पुर्वराजाको स्वागतको तयारी गर्दे आउनुभएको छ ।
दुई साता अघि भैरहवा आउनुभएका शाह औपचारिकभन्दा अनौपचारिक भेटघाटमा व्यस्त हुनुहुन्छ् । उहाँले विभिन्न व्यक्तिहरुलाई सामुहिक र एक्लाएक्लै पालैपालो भेटघाट गर्ने गर्नुभएको छ । एक सातामा उहाँ एउटा मात्रै औपचारिक कार्यक्रममा सहभागी हुनुभएको छ । शनिवार उहाँले शिवराज नगरपालिका—३ कपिलवस्तुमा पृथ्वीनारायण शाहको शालिक अनावरण गर्नुभयो । नेपालमै पहिलोपटक पृथ्वीनारायण शाहले जंगी घोडा चढेको सालिक शिवराज नगरपालिकाले निमार्ण गरेको हो ।

यस्तै यही पुस १९ गते भैरहवामा पूर्वराजाको नागरिक अभिनन्दन गर्ने कार्यक्रम छ । नागरिक अभिनन्दन समितिका संयोजक डा. रामप्रसाद बस्यालका अनुसार पूर्व राजालाई भैरहवाको गल्लामण्डीमा अभिनन्दन गर्ने तयारी छ । पूर्व राजा शाह श्रीमती कोमल र नाति हृदयन्द्रसहित आउनुभएको छ । उहाँ भैरहवास्थित पाँचतारे होटल सिद्धार्थ भिलासामा बस्नुभएको छ । बिहान सुरक्षाकर्मी लिएर मर्निङ वाकमा निस्कने गर्नुभएका पूर्वराजा १२ गते भैरहवाको भाटभटेनी सुपरमार्केट गएर किनमेल समेत गर्नुभएको थियो । पूर्वराजाले अरु व्यक्तिगत तथा सामूहिक रूपमा कुराकानी छलफल गरे पनि सार्वजनिक रूपमा भने केही बोल्नुभएको छैन् । सञ्चारकर्मीहरूसँगको भेटघाटका लागि समितिले प्रस्ताव गरे पनि हाल सम्म कुनै कार्यक्रम तय भएको छैन् ।

प्रकाशित मिति: सोमबार, पुस १६, २०८० १७:२७

प्रतिक्रिया दिनुहोस्