स्थानीय आर्थिक विकास कार्यक्रममा १०४ वटा स्थानीय तह छनोट हुदा नवलपरासीका एउटा पनि परेनन्

संघीय सरकार

Home
संघीय सरकार
स्थानीय आर्थिक विकास कार्यक्रममा १०४ वटा स्थानीय तह छनोट हुदा नवलपरासीका एउटा पनि परेनन्

स्थानीय आर्थिक विकास कार्यक्रममा १०४ वटा स्थानीय तह छनोट हुदा नवलपरासीका एउटा पनि परेनन्

संघीय मामिला तथा सामान्य प्रशासन मन्त्रालयले नव प्रवर्द्धनमा आधारित स्थानीय आर्थिक विकास कार्यक्रमका लागि १०४ वटा स्थानीय तह छनोट भएका छन् । तर एक चार स्थानिय तह मध्ये नवलपरासी पश्चिमका एउटा पनि छैनन् । नव प्रवर्द्धनमा आधारित स्थानीय आर्थिक विकास कार्यक्रम सञ्चालन कार्यविधि, २०८० बमोजिम आर्थिक वर्ष २०८०÷०८१ को कार्यक्रम सञ्चालनका लागि आवेदन दिने स्थानीय तहहरूमध्ये तोकिएको योग्यता र आधार पुरा गरेका स्थानीय तहहरूलाई छनोट गरिएको मन्त्रालयले जनाएको छ ।

जसमा कोशी प्रदेशका २०, मधेस प्रदेशका १७, बागमती प्रदेशका १७, गण्डकी प्रदेशका ११, लुम्बिनी प्रदेशका १४, कर्णाली प्रदेशका १० र सुदूरपश्चिम प्रदेशका ११ वटा स्थानीय तहहरू छनोट भएको मन्त्रालयको स्रोत परिचालन समन्वय शाखाका शाखा अधिकृत नमराज सापकोटाले दिनुभयो । उहाँका अनुसार २४२ वटा स्थानीय तहले निवेदन दिएका थिए । तर, कार्यविधिमा समावेश गरेको मापदण्ड पुरा गरेका १०४ वटालाई छानिएको हो ।

सामान्य प्रशासन मन्त्री अनिता देवी आफैँले निर्णय गरेर छनोट गरेका बताईएको छ । छनोट भएका स्थानीय तहहरूमा एकमुष्ट रूपमा ८८ करोड ५० लाख रुपैयाँ पठाइएको जानकारी सापकोटाले दिनुभयो । लुम्बिनी प्रदेशमा सबैभन्दा बढि गुल्मीका स्थानिय तह छानिएका छन् । ६ ओटा गुल्मीका स्थानिय तह उक्त कार्यक्रमका लागी छनोट भएकोमा लुम्बिनीका नवलपरासी, बाँके, अर्घाखाँचि र रोल्पाका कुनै पनि स्थानिय तह छनौट भएका छैनन् ।

प्रकाशित मिति: बिहीबार, माघ ४, २०८० १३:०८

प्रतिक्रिया दिनुहोस्