माघे औँशिको अवसरमा त्रिवेणीमा हजारौँ श्रद्धालुको भिड

पर्यटन

Home
पर्यटन
माघे औँशिको अवसरमा त्रिवेणीमा हजारौँ श्रद्धालुको भिड

माघे औँशिको अवसरमा त्रिवेणीमा हजारौँ श्रद्धालुको भिड

धार्मिक तथा पर्यटकिय स्थल त्रिबेणी धाममा आज देखि माघे औँशिको मेला सुरु भएको छ । तिन सम्म चल्ने मेला भर्न गएराति देखिनै त्रिवेणीमा हजारौ श्रद्धालुको घुँईचो लागेको छ । त्रिवेणीधाममा माघे औसीको दिन स्नान गर्ने र दान गरेमा पितृहरुले मोक्ष प्राप्त गर्ने जनविश्वास रहेको छ । मेला भर्न नेपालका विभिन्न स्थान र भारतको बिहार तथा उत्तर प्रदेश विभिन्न स्थानबाट श्रद्धालुहरु त्रिवेणी आएका छन् । पुर्वि नवलपरासीमा अवस्थित त्रिवेणी धाममा मेला भर्न जानेको भिडले पश्चिम नवलपरासीको सुस्ता देखिनै यातायात आउजाउमा असहज भएको छ ।

केहि सवारी साधनलाई सुस्तामै पार्किङ्ग गरेर पैदल हिड्ने व्यवस्था मिलाईएको जिल्ला ट्राफिक प्रहरी कार्यालयले जनाएको छ । त्रिवेणी स्थीत नारायणी नदि पारी बाल्मिकी आश्रम पनि रहेकाले श्रद्धालुहरु स्नान गरेर आश्रम सम्म पुग्ने गरेको विनयी त्रिवेणी गाउँपालिका वडा न ६ का वडा अध्यक्ष नुरेन्द्र शाहले जानकारी दिनुभयो ।

मेला भर्न गएराति देखिनै मानिसको भिड बढेको छ । श्रद्धालुहरुले रातभर जाग्राम बसेर भजन किर्तन गरेका छन् । विभिन्न उपसमिति गठन गरे मेला व्यवस्थापन गरिएको र सुरक्षाको व्यवस्था मजबुत पारिएको मेला व्यवस्थापन समितिले जनाएको छ । साथै स्नानका क्रममा नदिमा डुबेर हुन सक्ने जोखिमलाई मध्यनजर गर्दे शसस्त्र प्रहरीको टोली तयारी अवस्थामा राखिएको छ । तिन दिन सम्मको मेलामा दुई लाख बढि श्रद्धालुहरु आउने अनुमान गरिएको छ ।

प्रकाशित मिति: शुक्रबार, माघ २६, २०८० १३:१८

प्रतिक्रिया दिनुहोस्