प्राकृतिक विपद् प्रभावितका लागि साना किसान दाउन्नेदेवीद्वारा एक लाख एक हजार सहयोग

स्थानीय

Home
स्थानीय
प्राकृतिक विपद् प्रभावितका लागि साना किसान दाउन्नेदेवीद्वारा एक लाख एक हजार सहयोग

प्राकृतिक विपद् प्रभावितका लागि साना किसान दाउन्नेदेवीद्वारा एक लाख एक हजार सहयोग प्रभावित नागरिकलाई राहत तथा सहयोग पुर्‍याउने उद्देश्य

Mero pana मंगलबार, भदौ १६, २०८३

प्राकृतिक विपद्का कारण प्रभावित नागरिकलाई राहत तथा सहयोग पुर्‍याउने उद्देश्यले साना किसान कृषि सहकारी संस्था लिमिटेड, दाउन्नेदेवीले प्रधानमन्त्री दैवी प्रकोप उद्धार कोषमा रु. १ लाख १ हजार सहयोग गरेको छ।

सहकारीका अध्यक्ष देवीप्रसाद अधिकारीद्वारा जारी पत्रअनुसार हालै आएको प्राकृतिक विपद्का कारण ज्यान गुमाएका व्यक्तिप्रति श्रद्धाञ्जली व्यक्त गर्दै शोकसन्तप्त परिवारजनप्रति समवेदना प्रकट गरिएको छ। साथै विपद्का कारण घाइते भएकाहरूको शीघ्र स्वास्थ्यलाभको कामना गरिएको छ।

विपद् प्रभावित नागरिकलाई राहत तथा सहयोग पुर्‍याउने उद्देश्यले सहकारीको तर्फबाट प्रधानमन्त्री दैवी प्रकोप उद्धार कोषमा रु. १ लाख १ हजार जम्मा गर्ने निर्णय गरिएको पत्रमा उल्लेख छ।

सहकारीले उक्त रकम शाइन रेसुङ्गा डेभलपमेन्ट बैंकमार्फत कोषमा पठाएको बैंक भौचरसमेत उपलब्ध गराएको छ।

बर्दघाट–१४, गंगाबस्ती, नवलपरासी (बर्दघाट सुस्ता पश्चिम)मा रहेको साना किसान कृषि सहकारी संस्था दाउन्नेदेवीले विपद्को समयमा प्रभावित नागरिकप्रति सहयोग र सामाजिक उत्तरदायित्व निर्वाह गर्ने उद्देश्यले उक्त सहयोग गरेको जनाएको छ।