स्वच्छ पत्रकारितामा चुनौति थपिदै

स्थानीय सरकार

Home
स्थानीय सरकार
स्वच्छ पत्रकारितामा चुनौति थपिदै

स्वच्छ पत्रकारितामा चुनौति थपिदै

बर्दघाट।
बर्दघाट प्रेस क्लबको चौथो वार्षिक साधारण सभा सम्पन्न भएको छ। बर्दघाट नगरपालिकाका नगर उप प्रमुख रुद्र प्रकाश उपाध्यायको प्रमुख आतिथ्यता तथा संस्थाका अध्यक्ष कृष्ण ढकालको अध्यक्षतामा कार्यक्रम सम्पन्न भएको छ।

कार्यक्रमलाई सम्बोधन गर्दै बर्दघाट नगरपालिकाका नगर उप प्रमुख रुद्र प्रकाश उपाध्यायले पत्रकारिता भन्दा पनि व्यक्तिगत हावी भएका कारण पत्रकारलाई थप चुनौती थपिएको बताए। उनले व्यक्तिगत भन्दा पनि संगठनका रुपमा अघि बढे चुनौतीसँग सामना गर्न सहज हुने बताउँदै पत्रकारीतामा नयाँ अनुहार आउने चुनौती थपिएको बताए। उनले संस्थालाई नगरपालिकामा मात्र निर्भर नभई अन्य स्रोतको जोहो गर्न आग्रह गरे। उनी भन्छन्, ूनगरमा मात्र निर्भर हुँदा स्वच्छ पत्रकारिता कठिन हुन्छकी? नगरको कमी कमजोरी पनि बाहिर ल्याउन जरुरी रहेको हुँदा कसैको डर त्रासमा नपरी अगी बढ्नुस्।ू

बर्दघाट नगरका नगर प्रवक्ता सन्त बहादुर गाहाले बर्दघाट नगर सञ्चारमा आत्म निर्भर भएको बताए। उनले पत्रकारिता सरकारको विपक्षमा हुनुपर्ने भन्दै प्रचार भन्दा पनि सचेत गराउने समाचारलाई प्राथमिकता दिन आग्रह गरे।

कार्यक्रममा संस्थाका कानुनी सल्लाहकार प्रकाश न्यौपानेले अबको पत्रकारिता विधागत पत्रकारिता गर्ने पर्ने विचार व्यक्त गरे।
बर्दघाट उद्योग बाणिज्य संघका अध्यक्ष लेखनाथ न्यौपानेले स्थानीय संघ संस्थाहरुलाई बर्दघाट प्रेस क्लबले निभाएको भूमिका श्रहानिय रहेको भन्दै पदीय दायित्व बिर्सेर अन्यत्रको पत्रकारले जस्तो गतिविधि नगरिदिन आग्रह गरे।
बर्दघाट व्यापार संघका उद्योग उपाध्यक्ष लिलाहरी पौडेलले पत्रकारले आफ्नो धर्मलाई मध्यनजर गर्दै सत्य तथ्यका आधारमा सम्प्रेषण गर्न आग्रह गरे।
कार्यक्रमलाई सम्बोधन गर्दै बर्दघाट खानेपानी तथा सरसफाई उपभोक्ता संस्थाका अध्यक्ष दीपक लम्साल कसैको प्रलोभनमा या दवावमा नपरी सत्यतथ्य समाचार सम्प्रेषण गर्न आग्रह गरे।
चिसापानी सामुदायिक बनका अध्यक्ष होम बहादुर गुरुङले फेसबुकका कारण समाचारको विश्वसनीयता माथि प्रश्न उठेको बताए। उनले सही कुन र गलत कुन समाचार भन्ने सामान्य नागरिकलाई पहिचानमा समस्या आउँदा समाज बिथोलिएको बताए।
कार्यक्रममा संस्थाका अध्यक्षले संस्थाको गतिविधि प्रस्तुत गरेका थिए। संस्थाका सचिव मुक्ति तिवारीको सञ्चालनमा कार्यक्रम सम्पन्न भएको थियो।

प्रकाशित मिति: आइतबार, असोज ४, २०८३ ००:०४

प्रतिक्रिया दिनुहोस्