बर्दघाटको मुख्य बजार क्षेत्रमा सडकबत्ती जडान गर्न माग

स्थानीय सरकार

Home
स्थानीय सरकार
बर्दघाटको मुख्य बजार क्षेत्रमा सडकबत्ती जडान गर्न माग

बर्दघाटको मुख्य बजार क्षेत्रमा सडकबत्ती जडान गर्न माग

बर्दघाट । बर्दघाट बजार विकास समितिले बर्दघाट नगरपालिकाको मुख्य बजार क्षेत्रमा सडकबत्ती जडान गर्न माग गरेको छ।

समितिका अध्यक्ष गोविन्द पाध्याले नगरप्रमुख शम्भुलाल श्रेष्ठलाई वडा नं. ४ स्थित मुख्य बजार क्षेत्रमा सडकबत्ती जडानका लागि आवश्यक सहयोग उपलब्ध गराइदिन आग्रह गरेका हुन्।

समितिको मिति २०८३-०६-२७ गते शनिबार बसेको कार्यसमितिको बैठकको निर्णयअनुसार बर्दघाट बजार विकास समितिको कार्यालयदेखि पूर्व–पश्चिम राजमार्गसम्म तथा राजमार्गदेखि पश्चिमतर्फ मोहनी सिनेमा हलसम्म र त्यहाँदेखि उत्तरतर्फ पूर्व–पश्चिम राजमार्गसम्म मुख्य बजारको दायाँ–बायाँ रहेका सडकमा उज्यालो हुने गरी सडकबत्ती जडान गर्न आवश्यक पहल गरिदिन नगरपालिकासँग अनुरोध गरिएको पत्रमा उल्लेख गरिएकोछ।

बजार क्षेत्रमा सडकबत्तीको व्यवस्था भएपछि रातिको समयमा पैदलयात्री तथा व्यवसायीलाई सहज हुने र बजारको सुरक्षा व्यवस्थामा समेत सहयोग पुग्ने समितिको अपेक्षा रहेकोछ।

प्रकाशित मिति: शुक्रबार, असोज २, २०८३ २२:४५

प्रतिक्रिया दिनुहोस्