एक लाख धरौतिमा छुटे प्रतापपुर गाउँपालिका अध्यक्ष यादव

स्थानीय सरकार

Home
स्थानीय सरकार
एक लाख धरौतिमा छुटे प्रतापपुर गाउँपालिका अध्यक्ष यादव

एक लाख धरौतिमा छुटे प्रतापपुर गाउँपालिका अध्यक्ष यादव

पश्चिम नवलपरासी

पश्चिम नवलपरासीको प्रतापपुर गाउँपालिका अध्यक्ष उमेशचन्द्र यादव एक लाख धरौटिमा रिहा भएका छन्। सरकारी छाप तथा लेटरप्याड किर्ते गरेको मुद्धामा पक्राउ परेका यादव विहिबार एक लाख रुपैयाँ धरौटि बुझाएर रिहा भएका हुन्। नवलपरासी जिल्ला अदालतले प्रतिवादी यादव कसुरदार होईनन् भन्न सकिने अवस्था नदेखिएको र थुनामा राखी मुद्दा पुरपक्ष गर्नुपर्ने सम्मको अवस्था समेत नदेखिदा पछि थप प्रमाण बुझ्दै जाँदा ठहरे बमोजीम हुने भएकोले यादवलाई मुलुकी फौजदारी कार्यविधि संहिता २०७४ को दफा ४८ बमोजीम १ लाख रुपैयाँ धरौटी लिई मुद्दा पुर्पक्ष गर्न दिनु भन्ने आदेश दिएको छ । यादवले आफुले किर्ते नगरेको भनि इन्कारी बयान दिएकाछन्। जग्गा प्रयोजनका लागि तयार गरिएको सम्झौतामा उल्लेख भएका तत्कालिन लाईजन अफिसर विश्व बन्धु यादवले आफुलै कुनैपनि सरकारी जग्गा उपयोगका लागि ब्यक्तिलाई दिने सम्झौता पत्र तयार तथा हस्ताक्षर गरेको थिईन भन्ने बयान दिएका थिए। सरकारी जग्गा ब्यक्तिलाई उपभोग गर्न दिने अधिकार भुआर्जन अधिकृत संग नहुने उनको बयान छ । उक्त पत्र सरकारी छाप र दरखास्त किर्ते गरेको हुनुपर्ने तत्कालिन भुआर्जन अधिकृत यादवको बयानमा उल्लेख छ । पालिका अध्यक्ष यादव विरुद्ध हालका भुआर्जन अधिकृत सोभित हलुवाईले सरकारी छाप र लेटरप्याड किर्ते गरेको भनि ईलाका प्रहरी कार्यालय बेलाटारीमा जाहेरी दिएका थिए ।

प्रकाशित मिति: बिहीबार, भदौ ११, २०८३ २१:४६

प्रतिक्रिया दिनुहोस्