फातिमा खातुन अन्सारीको उपाध्यक्ष पद खोसियो

राजनीति

Home
राजनीति
फातिमा खातुन अन्सारीको उपाध्यक्ष पद खोसियो

फातिमा खातुन अन्सारीको उपाध्यक्ष पद खोसियो यस निर्णयसँगै पाल्हिनन्दन गाउँपालिकाको उपाध्यक्ष पद औपचारिक रूपमा रिक्त भएको छ।

Mero pana मंगलबार, असार ९, २०८३

पश्चिम नवलपरासी, असार ९ — पश्चिम नवलपरासीको पाल्हिनन्दन गाउँपालिकाकी उपाध्यक्ष फातिमा खातुन अन्सारीको उपाध्यक्ष पद रिक्त भएको छ।

निर्वाचन आयोगले राजनीतिक दलसम्बन्धी कानुन बमोजिम नेपाली कांग्रेसबाट निर्वाचित अन्सारीले दल परित्याग गरी अर्को दलको पक्षमा गतिविधि गरेको भन्दै उनको निर्वाचित पद स्वतः रिक्त भएको जनाएको हो।

निर्वाचन आयोगले असार ९ गते सार्वजनिक गरेको सूचनाअनुसार नेपाली कांग्रेसले अन्सारीले राष्ट्रिय स्वतन्त्र पार्टी ९रास्वपा० का पक्षमा भोट माग्दै हिँडेको भन्दै कारबाहीका लागि आयोगमा सिफारिस गरेको थियो। सोही सिफारिसका आधारमा आवश्यक कानुनी प्रक्रिया पूरा गरी आयोगले उनको उपाध्यक्ष पद रिक्त भएको निर्णय गरेको हो।

राजनीतिक दलसम्बन्धी ऐन, २०७३ तथा नियमावली, २०७४ अनुसार निर्वाचित जनप्रतिनिधिले आफू निर्वाचित भएको दल परित्याग गरी अर्को दलमा आबद्ध भएमा वा सो दलको पक्षमा गतिविधि गरेमा निर्वाचित पद स्वतः रिक्त हुने कानुनी व्यवस्था रहेको छ।

निर्वाचन आयोगले सार्वजनिक गरेको सूचनामा पाल्हिनन्दन गाउँपालिकाकी उपाध्यक्ष फातिमा खातुन अन्सारीसहित अन्य दुई जना जनप्रतिनिधिको पदसमेत रिक्त भएको उल्लेख गरिएको छ।

यस निर्णयसँगै पाल्हिनन्दन गाउँपालिकाको उपाध्यक्ष पद औपचारिक रूपमा रिक्त भएको छ।

729220097_2087308002206585_7951902960083927027_n-1782206503.jpg