हिउदे बाँलि सिचाँईका लागी गण्डक नहरमा १० दिन पानी, मर्मतका लागी भन्दै बन्द

कृषि

Home
कृषि
हिउदे बाँलि सिचाँईका लागी गण्डक नहरमा १० दिन पानी, मर्मतका लागी भन्दै बन्द

हिउदे बाँलि सिचाँईका लागी गण्डक नहरमा १० दिन पानी, मर्मतका लागी भन्दै बन्द

पश्चिम नवलपरासीमा सिचाँईको लागी बनेको नेपाल गण्डक पश्चिमी नहरमा यस वर्ष हिउदे बाली सिचाँईका लागी जम्मा १० दिन मात्र पानी छाडिएको छ । भारतको नियन्त्रणमा रहेको नहरमा पुस लागेपछि मात्र नहरमा पानी छाडिएको थियो त्यो पनि जम्मा १० दिन छाडेर नहर मर्मतका लागी भन्दै बन्द गरिएको गण्डक नहर ब्यवस्थापन कार्यालयले जनाएको छ ।
विशेष गरी यो समयमा गहुँ बालि सिचाँईका लागी किसानहरुले नहरको पानीको अवश्यकता पर्दछ तर किसानले हरेक वर्ष नहरमा समयमै र प्रर्याप्त पानी नआउदा समस्या खेप्दै आएका छन् । नहरको मुख्यद्धारमा सफाई गर्नुपर्ने भएकाले पानी बन्द गरिएको गण्डक नहर ब्यवस्थापन कार्यालयका सव ईन्जिनियर विनोद पासवानले जानकारी दिनुभयो । नारायणी नदिमा बनाईएको त्रिवेणी स्थीत गण्डक बाँध बाट सिचाँईका लागी बनाईएको नेपाल गण्डक पश्चिमी नहरमा पानीको सतहको सहि व्यवस्थापन नहुदा प्रर्याप्त पानी आउदैन् ।

भारतको नियन्त्रणमा रहेको गण्डक बाँध मार्फत समयमै पानी नछाड्दा किसानहरुले समस्या भोग्दै आएका छन् । हिउदेँ बाली सिचाँईका लागी एक महिना अगाडीनै पानी छाड्ने गरीएपनि भारतले पानी छाड्न ढिलासुस्ती गर्ने गरेको छ । नहर जिर्ण भएको र बालुवाले भरिएका कारण विगत दुई वर्ष देखि नहर सफाई र मर्मत सम्भारको काम हुदै आएपनि पुरा हुन सकेको छैन् ।

प्रकाशित मिति: बुधबार, पुस २५, २०८० ०९:०२

प्रतिक्रिया दिनुहोस्