कृषि समाग्रि कम्पनी परासीको गोदाममै थन्कियो रासायानिक मल

कृषि

Home
कृषि
कृषि समाग्रि कम्पनी परासीको गोदाममै थन्कियो रासायानिक मल

कृषि समाग्रि कम्पनी परासीको गोदाममै थन्कियो रासायानिक मल

किसानले प्रयाप्र्त मल नपाईरहेको समयमा कृषि सामग्री कम्पनी लिमिटेड परासीमा आएको मल भने गोदाममा थन्किएको छ । कृषि सामग्री कम्पनी लिमिटेडले सहकारी मार्फत वितरण गर्ने मल जिल्लाका केही सहकारीले खरिद नगर्दा ७१ टन मल गोदाममा मा नै थन्किएको हो । तोरी , गहुं , उखु लगाएत हिउदे बालीका लागि किसानलाई अहिले रासायानिक मलको आवश्ययक्ता छ । जिल्लाका ९ सहकारीले मल नलगेको कृषि सामग्री कम्पनी लिमिटेड परासीका प्रमुख प्रमुख नरहरी पोखरेलले बताउनुभयो । पटकपटक पत्राचार गर्दा पनि लैजान नमानेकाले सहकारीको कोटामा परेको मल गोदाममा थन्किएको पोखरेलले बताउनुभयो ।

जिल्लाका ७ वटै पालिकाले आ–आफ्नो पालिकाभित्र रहेका सहकारीको नाम र परिमाणसहित मल उपलब्ध गराउन पत्रचार गरेका थिए। २४ टन युरिया र ४७ टन डीएपी मल गोदाममा थन्किएको छ । सहकारीले भने मल खरिद र वितरणमा जनशक्ती तथा पर्याप्त मल नहुदा वितरणमा समस्या हुदा खरिद नगरीएको बताएका छन् । परासी आर्दश बहुमुखि सहकारीका व्यवस्थापक संजय सिंहले मल पनि प्रर्याप्त नभएको र समयमा पनि नआएकाले खरिद नगरिएको बताउनुभयो ।

प्रकाशित मिति: शुक्रबार, माघ १२, २०८० १३:३६

प्रतिक्रिया दिनुहोस्