विश्व वातावरण दिवसको अवसर पारेर आयोजित सप्ताहव्यापी कार्यक्रमको समापन गरियो

पर्यावरण

Home
पर्यावरण
विश्व वातावरण दिवसको अवसर पारेर आयोजित सप्ताहव्यापी कार्यक्रमको समापन गरियो

विश्व वातावरण दिवसको अवसर पारेर आयोजित सप्ताहव्यापी कार्यक्रमको समापन गरियो

पश्चिम नवलपरासीको बर्दघाट खानेपानी तथा सरसफाई उपभोक्ता संस्थाद्वारा विश्व वातावरण दिवसको अवसर पारेर आयोजित सप्ताहव्यापी कार्यक्रमको समापन गरिएको छ । जुन ५ तारिखका दिन सप्ताहव्यापी कार्यक्रमको सुभारम्भ गरिएको थियो। बर्दघाट नगरपालिकाका पूर्व नगरप्रमुख धीरज शर्मा बस्यालको को प्रमुख आतिथ्यता तथा संस्थाका अध्यक्ष दिपक लम्सालको अध्यक्षतामा कार्यक्रम समापन गरिएको छ । बर्दघाट नगरपालिका वडा नं.४ दुर्गा मन्दिर परिसर सरसफाई तथा दुर्गा मन्दिर देखि डम्पिङ्ग साईट सम्म सरसफाई कार्यक्रमको आयोजना गरि साप्ताहिक कार्यक्रमको समापन गरिएको छ ।
समापन कार्यक्रमलाई सम्बोधन गर्दै पूर्व नगरप्रमुख बस्यालले मेरो पकेट नै पहिलो डस्टबिन भन्ने मान्यतालाई अवलम्बन गर्नुपर्ने र आफ्नो घर छेउ र समाज लाई सफा र स्वच्छ राख्न मैले गरेको फोहोर मैले नै व्यवस्थापन गर्नु पर्छ भन्ने धारणाको विकास गर्न सके वातावरण प्रदुषण कम हुने बताए ।
त्यस्तै कार्यक्रमलाई सम्बोधन गर्दै खानेपानी महासङ्घ नवलपरासीका अध्यक्ष देविदत्त सापकोटाले बर्दघाट खानेपानी तथा सरसफाई उपभोक्ता संस्थाले खानेपानी र सरसफाईको काम समानान्तर गर्दै चेतनामुलक कार्यक्रम गर्दै अघि बढेको बताए ।
त्यस्तै कार्यक्रमलाई सम्बोधन गर्दै बर्दघाट उद्योग वाणिज्य सङ्घका अध्यक्ष लेखनाथ न्यौपानेले सङ्घ संस्थाले पर्यावरण सरसफाइ गर्नु संस्थागत दायित्व रहेता पनि नसकिरहेको अवस्थामा बर्दघाट खानेपानीले सञ्चालन गरेको अभियानमा जोडिन पाउँदा उत्साहित भएको बताए ।
संस्थाका व्यवस्थापक विष्णु भुषालले खानेपानी संस्था खानेपानी वितरण मात्र नभएर सरसफाईको क्षेत्रमा पनि निरन्तर लागि रहेको बताए ।
समापन कार्यक्रममा उपभोक्ता संस्थाका अध्यक्ष दीपक लम्सालले फोहोर सङ्कलन र प्लास्टिक न्यूनिकरण गर्नै खानेपानीको सप्ताहव्यापी उद्देश्यलाई साथ दिने सम्पूर्ण सङ्घसंस्थालाई धन्यवाद ज्ञापन व्यक्त गरे । त्यस्तै कार्यक्रममा उपस्थितीहरुलाई स्वागत संस्थाका उपाध्यक्ष कमल थापाले गरेका थिए भने कार्यक्रमको सञ्चालन सचिव शोभाकान्त कोईरालाले गरेका थिए ।

प्रकाशित मिति: शुक्रबार, जेठ २९, २०८३ ११:३४

प्रतिक्रिया दिनुहोस्