१८० मिटरमा विवादः कठहवा–त्रिवेणी सडक अलपत्र

स्थानीय

Home
स्थानीय
१८० मिटरमा विवादः कठहवा–त्रिवेणी सडक अलपत्र

१८० मिटरमा विवादः कठहवा–त्रिवेणी सडक अलपत्र लामो समयदेखिको बाटो अहिले कसरी व्यक्तिको जग्गा भयो ? स्थानिय अचम्मित

प्रतापपुर गाँऊपालिका वडा नं.६ मा श्री कन्टेक प्रा.लि. नक्साल, काठमाण्डौले कठहवा–त्रिवेणी सडक निर्माणको ठेक्का २०८२ असोज ३० गते निर्माण सम्पन्न गर्ने गरी २७ करोड २३ लाख ५ हजार ७ सय ३३ रुपैयाँमा ठेक्का सम्झौता गरेको थियो । हाल निर्माण क्रम रोकिएर अपलत्र अवस्थामा छ । बाटो निर्माण स्थलमा व्यक्तिको जग्गा परेको भन्दै विवाद सिर्जना भएपछि १८० मिटर बाटो निर्माण नगरी अन्य स्थानमा निर्माण कार्य गरिएको छ । २०७६ कार्तिक २९ गते ठेक्का सम्झौता भएको सडक आयोजना पटक पटक म्याद थप गर्दा पनि बाटो विवाद नमिलेपछि बाटो अलपत्र अवस्थामा परेको स्थानिय बताऊछन ।
सम्झौता अनुसार सबै निर्माण कार्य सम्पन्न भैसक्दा पनि कठवा क्षेत्रको झण्डै १८० मिटर सडक कालोपत्रे गर्न स्थानिय मिश्र परिवारले आफ्नो जग्गा दावी गरी कालोपत्रे गर्न नदिएपछि काम अलपत्र परेको छ ।
स्थानियहरु भन्छन, "हामी यस सडकमा हिडेरै बुढो भैयो । हामीले जानेदेखिनै बाटो यहि हो । यो बाटो विगतमा पनि ३ पटक सम्म कालो पत्रे भै सकेको हो तर अहिले बाटो चौडा हुन लागेर थप राम्रो बन्छ भन्ने लागेको थियो तर खै कसरी अर्केको जग्गा पर्यो । हामी त अन्योलमा छौ । पहिले बाबुले बाटो बनाऊने अहिले छोराहरुको पालामा बाटोमा आफ्नो खेत? " भन्दै बाटो रोकिएको प्रति आक्रोस पोखे ।
अधिकांश स्थानिय वासी पुरानै सडक कायम हुनुपर्ने माग गर्दै पटक-पटक प्रतापपुर गाउँपालिकाका जनप्रतिनिधिहरु सहित सरोकारवाला पक्ष संग छलफमा बसे पनि अहिले सम्म निकास निस्किएको छैन ।
कालोपत्रे हुन बाँकी रहेको हालको सडक पश्चिम तर्फ रविन्द्र प्रसाद मिश्रको जग्गा रहेको छ भने पूर्व तर्फ दिनेश चन्द त्रिपाठि को नामको जग्गा रहेको छ ।

निर्माण सम्पन्न भएको स्थानमा देखिएको सडक
रविन्द्रका बुवा तिरथराज मिश्र २०१७ साल देखी २०३९ साल सम्म प्रधान पञ्चको रुपमा रहेर काम गरेका थिए । सडकको स्तर उन्नती गर्नका लागि तिरथराजलेनै पहिलोपटक ग्रावेल गरेर सडक स्तर उन्नती कार्यमा सहयोग गरेको स्थानिय स्मरण गर्छन् ।

स्थानिय धिरज त्रिपाठीले सदियौ देखीको बाटो रोक्न नमिल्ने बताउँछन् । उनले सडकको पुर्जा कसरी निस्कियो भन्दै आश्चर्य ब्यक्त गरी छानविनका लागि माग गर्दै उनि भन्छन, २२ साल सम्म आफै प्रधान हुदाँ कुनै किचलो नभएको स्थानमा अहिले किन किचलो हुदै छ? अहिले बाटोको पुर्जा कसरी निस्कीयो छानविन हुनुपर्दछ।”

नक्सामा सडक हालको स्थान देखी पश्चिम तर्फ देखीन्छ। नक्सा अनुसार सडकको पूर्व तर्फ मिश्र परिवारकै केही जग्गा रहेका कारण नक्सा अनुसारको सडक कायम हुनुपर्ने भन्दै कालोपत्रे गर्न रोक लगाएको देवेन्द्र मिश्रको भनाई छ ।
उनी अदालतका कागजपत्र देखाउँदै भन्छन् “म सडक निर्माण विरोधी होईन। यो बाटो बनेपछि म पनि यहि बाटो हिड्ने हो। तर मेरो आपत्ति यति मात्र हो की बाटो नक्सा अनुसार हुनुप¥यो। यसको लागी अदालतबाटै फैसला भैसकेको छ । ”

प्रकाशित मिति: मंगलबार, साउन २६, २०८३ २२:४४

प्रतिक्रिया दिनुहोस्