भदौ १० गते रसुवामा आएको विनासकारी बाढिपछि पश्चिम नवलपरासीबाट कामको शिलसिलामा रसुवा पुगेका १० जना सम्पर्क विहिन बनेका छन् । एक जनाको भने शव फेला परेको छ ।
बाढिमा परि मृत्यु हुनेमा रसुवाको टिमुरे स्थित अध्यागमन कार्यालयमा शाखा अधिकृतको रुपमा कार्यरत सुस्ता गाउँपालिका वडा नम्बर १ का यादव भण्डारी रहेका छन् ।
पेखरामा राखिएको भण्डारीको शव उनका दाजु चुडामणी भण्डारीले पहिचान गरेका हुन् ।
सरकारी निकायले संकलन गरेको विवरण अनुसार सम्पर्क विहिन हुनेमा सुनवल नगरपालिकाका ४ जना, बर्दघाट नगरपालिकाका ३ जना, सरावल गाउँपालिकाका २ जना र प्रतापुर गाउँपालिकाका १ जना रहेका छन् ।
सुनवल नगरपालिकाबाट वडा नम्बर ७ चारपाला घरभई हाइड्रोपावरमा चालकको रुपमा रहेका २७ वर्षीय सुजन श्रेष्ठ, वडा नम्बर १२ भूमही घरभई माथिल्लो त्रिशुलीमा लेखा शाखामा कार्यरत ३२ वर्षीय सविना मिश्र, वडा नम्बर ७ समयटोल घरभई हाइड्रोपावरमा कार्यरत २५ वर्षीय सन्दिप क्षेत्री र वडा नम्बर १२ हरकट्टा घरभई पर्यटकलाई गाइड गर्ने ३५ वर्षीय शिव न्यौपाने सम्पर्कविहन भएका छन् ।
बर्दघाट नगरपालिका बर्दघाट–१० अलावल घरभई मैलुङखोला हाइड्रोपावरमा काम गर्ने ३५ वर्षीया सनी चौधरी, वडा नम्बर १६ सिद्धनगर घरभई रसुवागढी हाइड्रोपावरमा काम गर्ने ४५ वर्षीया भीमबहादुर वि.क. र २५ वर्षीय सञ्जय शेर्पाली सम्पर्क विहिन छन् ।
सरावल १ बासाबसही घरभई बेत्रावती विद्युत हाइटेन्सनमा काम गर्ने ६० वर्षीय सर्ज चौधरी र सोही ठाउँ र सोही ठाउँमा काम गर्ने ३५ वर्षीय माधव चौधरी पनि हालल सम्म सम्पर्कमा आएका छैनन् । प्रतापपुर ७ घरभई प्रहरी सहायक हवल्दारमा कार्यरत ३० वर्षीय हरेन्द्र यादव सम्पर्क विहिन छन् ।
सम्पर्क विहिन भएका परिवार र आफन्तजनले खोजी कार्यमा सहयोग गरिदिन सबैलाई अपिल गरेका छन् ।
-1791430971.jpeg)
-1791466840.jpeg)
