बुद्धशान्ति साझेदारी सामूदायिक बन समुहको सातौं बार्षिक साधारण सभा सम्पन्न

पर्यावरण

Home
पर्यावरण
बुद्धशान्ति साझेदारी सामूदायिक बन समुहको सातौं बार्षिक साधारण सभा सम्पन्न

बुद्धशान्ति साझेदारी सामूदायिक बन समुहको सातौं बार्षिक साधारण सभा सम्पन्न

नवलपरासी
पश्चिम नवलपरासीमा रहेको बुद्धशान्ति साझेदारी सामूदायिक बन समुहको सातौं बार्षिक साधारण सभा सम्पन्न भएको छ । समूहका अध्यक्ष बिरेन्द्र प्रसाद चौधरीको अध्यक्षता तथा रामग्राम नगरपालिकाका नगरप्रमुख धनपत यादवको प्रमुख आतिथ्यतामा कार्यक्रम सम्पन्न भएको हो । कार्यक्रमलाई सम्मबोधन गर्दै नगरप्रमुख यादवले सामुदायिक बनहरुले गर्ने बनाऊने योजना समूहमा भएका गरिब तथा विपन्न परिवार लक्षित उत्थानका निम्ति हुनुपर्ने विचार व्यक्त गरे । नगरप्रमुख यादवले आप्mनो कार्यकालमा देखिने र त्यसबाट समूहले प्रत्यक्ष फाईदा लिन सक्ने योजनाहरुलाई प्राथमिकिकरणमा राख्न समूहलाई आग्रह गरेका छन ।
कार्यक्रमलाई सम्बोधन गर्दै विशिष्ट अतिथि डिभिजन बन कार्यालयका पश्चिम नवलपरासीका प्रमुख राजु क्षेत्रीले सामुदायिक बनले समूहमा रहेका हरेक व्यक्तिलाई अपनत्व गराऊदै फाईदापनि सबैले लिन सक्ने अवधारणा अनुसार बन सम्बद्र्धन प्रणाली विकास गरिएको जानकारी दिए । उनले यस प्रणालीले गरिब, निमूखा तथा सदस्यहरुलाई बन पैदावर, तथा बन रक्षाको जिम्मेवारी समान तवरले अवसर दिने बताए । उनले यस समूहले छोटो समयमै उल्लेख्य कार्यगर्न सकेको भन्दै समूहलाई हौसला प्रदान गरेका थिए ।
कार्यक्रममा आफ्नो धारणा राख्दै सुनवल नगरपालिका वडा नं.९ का वडाअध्यक्ष विरबल चौधरीले बनले गर्ने गरेका गतिविधि तथा बनबाट गरिब, बिपन्न परिवारले पूर्णरुपमा फाईदा लिन नसकेको हुदाँ बनको मर्म अनुरुप कार्य सञ्चालन गर्न समितिलाई आग्रह गरे ।
कार्यक्रममा बनका अध्यक्ष बिरेन्द्र प्रसाद चौधरीले साझेदारी बनको दिगो व्यवस्थापन गरेर प्राप्तहुने फाईदाको न्यायोचित तवरले वितरण गरेको बताए । अध्यक्ष चौधरीले १०५२५ घरघुरी रहेको उपभोक्तालाई समान वितरण तथा व्यवस्थापन गर्न बन क्षेत्रलाई ३ वटा कम्पार्टमेन्ट र २४ वटा सहायक कम्पार्टमेन्टमा विभाजन गरिएको जानकारी दिए । उनले समूहले २ करोड ९६लाख ६४ हजार ७५ रुपैया आम्दानी गरेको र २ करोड ९३ लाख १५ हजार ८सय ३ रुपैया खर्च गरेको बताए । उनले चालुआर्थिक बर्षका लागि कुल ५ करोड ३८ लाख ८२ हजार ९९१ रुपैयाको प्रस्तावित कार्यक्रमका योजना सभामा पेश गरेका थिए ।