निरकुमाविमा ४ कोठे सुविधा सम्पन्न भवनको शिलान्यास

शिक्षा

Home
शिक्षा
निरकुमाविमा ४ कोठे सुविधा सम्पन्न भवनको शिलान्यास

निरकुमाविमा ४ कोठे सुविधा सम्पन्न भवनको शिलान्यास

पश्चिम नवलपरासीको बर्दघाट १२, भटौलिया अवस्थित नित्यानन्द रत्नकुमारी माध्यमिक विद्यालयको ४ कोठे भवनको शिलान्यास गरिएको छ । भवनको आज लायन्स क्लबका लायन्स इन्टरनेशनल एलसीआईएम एरिया लिडर अरुण प्रसाद रानाले शिलान्यास गरेका छन् । शिलान्यास कार्यक्रमलाई सम्बोधन गर्दै प्रमुख अतिथि रानाले लायन्स क्लब ईन्टरनेशनलको नारा हामी सेवा गर्छौ भन्ने मुल मर्मलाई आत्मसात गर्दै लायन्स क्लबले विद्यार्थीको शैक्षिक उन्नयनकालागि गरिएको सेवा भएको वताए । उनले यस कार्यले विपन्न समूदायका विद्यार्थीहरुलाई थप गुणस्तरिय शिक्षा प्राप्त गर्न मद्दत पुग्ने अपेक्षा आफुले गरेको बताए ।
कार्यक्रममा चौधरी फाउण्डेसनकी सचिव सारिका चौधरीले पश्चिम नवलपरासीमा चौधरी फाऊण्डेसन मार्फत विभिन्न विद्यालयमा शुद्ध खानेपानीको व्यवस्था गरिदिएको बताऊदै उनले यस विद्यालयमा डिजिटलाईजेसन र खानेपानी, सरसफाई तथा स्वच्छतामा काम गर्ने जानकारी दिईन ।
कार्यक्रममा विद्यालयका तर्फबाट प्रधानाध्यापम रेवती ज्ञवालीले निर्माण हुन लागेको ४ कोठे सुबिधा सम्पन्न विद्यालय भवनले हाम्रा विद्यार्थीहरूको सुरक्षित, व्यवस्थित र गुणस्तरीय सिकाइ वातावरणमा महत्वपूर्ण योगदान पुऱ्याउने विश्वास लिएको बताए । प्रधानाध्यापक ज्ञवालीले यो योजना केहि समय अघि नै सम्पन्न हुनुपर्ने बताऊदै नगरप्रमुखले विद्यालयले व्यवस्थापन गर्नुपर्ने रकम नगरले व्यवस्थापन गरिदिने आस्वासन दिएपनि कानूनी बाध्यता देखाऊदै नगरले रकम उपलब्ध गराऊन नसक्दा ढिलो भएको बताए । उनले उक्त रकम हाल विद्यालयमा सटरमा पसल सञ्चालन गरिरहेका पसलको धरौटीबापतको रकमलाई प्रयोग गरेर निर्माणकोकाम अघि बढेको भएपनि उक्त रकम व्यवस्थापनकालागि सहयोगी सस्थाहरुलाई आग्रह गरेका छन् ।

करिब १ करोड ५ लाख रुपैयामा निर्माण सम्पन्न गरिने भवनको मुख्य सहयोग लायन्स क्लबले गर्नेछ । लायन्स क्लबले चारकोठे भवनको सम्पूर्ण निर्र्माणको काम गर्नेछ, जस्कालागि लायन्सक्लबले करिब असी लाख अर्थात ५० हजार १ सय ९४ अमेरिकी डलर खर्च गर्नेछ । त्यस्तै विद्यालयमा प्रयोगहुने फर्निचर तथा ह्वाईटबोर्डको जिम्मा विद्यालयले व्यवस्थापन गर्नेछ । जस्कोलागि विद्यालयले १२ लाख ३५ हजार रुपैया अर्थात ८ हजार ५ सय ८६ अमेरिकी डलर खर्च गर्नेछ । त्यस्तै चौधरी फाऊण्डेसन अन्र्तगत सिजी फुड्सले आफ्नो सामाजिक उत्तरदायित्व अन्र्तगतको विद्यालयमा शुद्ध खानेपानी, सरसफाई तथा विद्यालय डिजिटलाईजेसनकालागि १२ लाख ३५ हजार अर्थात ८ हजार ५ सय ८६ अमेरिकी डलर खर्च गर्नेछ ।
पूर्ण सुविधा सम्पन्न भवन शिलान्यास भएको ६महिना भित्र निर्माण सम्पन्न गरि विद्यालयलाई हस्तान्तरण गरिनेछ । यस कार्यकालागि सिर्जना सर्विस एण्ड विल्डर्सलाई जिम्मा दिइएको छ । लार्यन्स क्लब, सिजी फुड्स र विद्यालयविच २०८३ बैशाख २२ गते नै सम्झौता गरिएको थियो ।

प्रकाशित मिति: शुक्रबार, असोज ९, २०८३ २१:५९

प्रतिक्रिया दिनुहोस्