रामग्राममा आगो ताप्न चोक चोकमा निशुल्क दाउरा

स्थानीय सरकार

Home
स्थानीय सरकार
रामग्राममा आगो ताप्न चोक चोकमा निशुल्क दाउरा

रामग्राममा आगो ताप्न चोक चोकमा निशुल्क दाउरा

चिसो बढ्दै गएपछि पश्चिम नवलपरासीको सदरमुकाम परासीमा रामग्राम नगरपालिकाले निशुल्क दाउरा वितरण गरेको छ । नगरवासीलाई चिसोबाट जोगाउन सार्वजनिक स्थानमा धुनी बाल्नका लागि दाउरा वितरण गरिएको स्थानिय वातावरण तथा विपद व्यवस्थापन समितिका संयोजक धनिराम यादवले बताउनुभयो ।

नगरपालिकाले खरिद गरेर मानिस बढि भिडभाड हुने स्थान र चोक चोकमा दाउरा वितरण गरेको छ । चिसोको समयमा गरिव विपन्न वस्तीमा हुन सक्ने समस्यालाई मध्यनजर गर्दे १८ ओटै वडाका विभिन्न स्थानमा दाउरा र आवश्यक समाग्रि वितरण गर्ने नगरपालिकाले जनाएको छ । पछिल्लो केहि दिन देखि यस क्षेत्रमा चिसो बढेको छ, बाक्लो हुस्सुका कारण जनजिवन प्रभावित भएको छ ।

चिसो बढ्दै गएपछि गरिव विपन्न परिवार समस्यामा रहेका छन् । जिल्लाका विभिन्न स्थानमा रहेका मुसहर बस्ती चिसोले बढि मारमा परेका छन् । जिल्लाका सातै पालिकाले जाडोलाई लक्षित गरेर प्रभावकारी कदम चाल्न सकेका छैनन् ।
चिसाको कारण जिल्लाको जनजिवन प्रभावित भएको छ । केहि दिन देखि राम्रो संग घाम नलाग्ने र बाक्लो हुस्सु लाग्ने गरेका कारण चिसो बढेको छ ।

प्रकाशित मिति: बुधबार, पुस २५, २०८० १७:२७

प्रतिक्रिया दिनुहोस्