जनप्रतिनिधि र विद्यार्थीबीचको प्रत्यक्ष संवादले लोकतान्त्रिक संस्कार विकास गर्नुका साथै नयाँ पुस्तालाई नीति निर्माण, सामाजिक उत्तरदायित्व र नेतृत्वप्रति सचेत बनाउन सहयोग पुर्याउने अपेक्षा गरिएको छ। यही उद्देश्यसहित सञ्चालन गरिएको ‘सांसदसँग विद्यार्थी अन्र्तक्रिया ’ कार्यक्रम विद्यार्थीका जिज्ञासा, समस्या र भविष्यका अपेक्षा जनप्रतिनिधिसमक्ष राख्ने महत्वपूर्ण माध्यम बनेको छ।
आज कुमुदिनी अंग्रेजी आवासिय माध्यमिक विद्यालय बर्दघाटमा साम्सद संग विद्यार्थी अन्र्तक्रिया कार्यक्रम सञ्चालन गरिएको छ । विद्यालयमा नवलपरासी (बसुप)का साम्सद विक्रम खनालसंग विद्यालयमा कक्षा १२ मा अध्ययनरत २७५ जना भन्दा बढि विद्यार्थीले अन्र्तक्रिया गर्ने अवसर प्राप्त गरेका छन । विद्यार्थीहरुलाई लोकतान्त्रिक प्रणालीबारे प्रत्यक्ष ज्ञान दिन, विद्यार्थीहरुमा राजनीतिक तथा नागरिक चेतनाको विकास गर्न, विद्यार्थीको नेतृत्व क्षमता विकास गर्न, करियर तथा भविष्यबारे मार्गदर्शन गर्न, समाजका समस्या बारे जानकारी लिन, विद्यार्थीका समस्या नीति–निर्माण तहसम्म पुर्याऊन, विद्यार्थीलाई जिम्मेवार नागरिक बन्न प्रेरणा प्रदान गर्न, सांसद र नयाँ पुस्ताबीच संवाद गराऊदै एक–अर्काको आवश्यकता र अपेक्षा बुझ्न, विद्यार्थीमा सकारात्मक राजनीतिक संस्कारको विकास गर्न तथा समाज र राष्ट्र निर्माणप्रति विद्यार्थीमा उत्साह जगाऊन यस कार्यक्रमको आयोजना गरिएको विद्यालयले जनाएको छ ।
कार्यक्रममा विद्यार्थीहरूले शिक्षा, रोजगारी, स्थानीय विकास, युवा सहभागिता, देशको राजनीतिक अवस्था, नीति नियम, विभिन्न समस्या तथा आफ्नो भविष्यसँग सम्बन्धित विभिन्न विषयमा जिज्ञासा राखेका थिए।
कार्यक्रममा साम्सद बिक्रम खनालले यस कार्यक्रमले युवालाई सामाजिक तथा राष्ट्रिय जिम्मेवारीप्रति सचेत बनाउन कार्यक्रम उपयोगी बन्ने धारणा व्यक्त गर्दै राजनीतिबाट टाढा भाग्न भन्दा पनि परिवर्तन आफुबाटै गर्नु पर्ने विचार व्यक्त गर्दै हरेक व्यक्ति जिम्मेवार भएर राष्ट परिवर्तन गर्न सबैले आ–आफ्नो स्थानबाट सकरात्मक भूमिका खेल्न आग्रह गरे । साम्सद खनालले आफ्नो विद्यार्थी जिवन, परिवारको साथ सहयोग, आफ्नो अभिरुची, बानीले आफुलाई यस स्थानमा पुर्याएका कारण हरेक विद्यार्थीले आफ्नो जिवनको लक्ष्य निधारण गरि सकरात्मक सोचका साथ अघि बढ्न विद्यार्थीहरुलाई आग्रह गरे ।
विद्यालयका प्रधानाध्यापक रेश्मीराज बस्यालको अध्यक्षतामा सञ्चालित कार्यक्रमको सञ्चालन विद्यालयका शिक्षक दिपक बरालले सञ्चालन गरेका थिए भने कार्यक्रममा २७५ भन्दा बढि विद्यार्थीहरुको सहभागिता रहेको थियो ।
-1791430971.jpeg)
-1791466840.jpeg)
