शैक्षिक ऐक्यवद्वताको समूह (जिसन नेपाल)नवलपरासीको आयोजनामा आधारभुत कक्षा स्तरिय हिज्जे (Spelling Bee) प्रतियोगिता सम्पन्न भएको छ । जिसन नवलपरासीका बरिष्ठ सल्लाहकार सन्तोष रौनियारको प्रमुख आतिथ्यता तथा संस्थाका अध्यक्ष थमन शेरचनको अध्यक्षतामा कार्यक्रम सम्पन्न भएको हो ।
कार्यक्रममा २८ वटा विद्यायल सहभागि भएका थिए । सहभागि मध्य पहिलो चरण पास गर्न सफल १६ विद्यालयले दोश्रो चरणमा सहभागि हुन पाएका थिए । १६ वटा विद्यालयमा भएको प्रतिस्प्रधामा ४ वटा विद्यालयको समान अंक आएका कारण पुनः तेश्रो चरणको प्रतियोगिता सञ्चालन गरिएको थियो । जसमध्ये कार्यक्रममा सुनवल युनाईटेड एकेडेमी इग्लिस सेकेण्डरी स्कूल, सुनवल, प्रथम, ब्लुमिङ्ग बड्स बोडिङ्ग स्कुल, शिवपुरगढि द्वितिय, मुनलाईट सेकेण्डरी ईग्लिस स्कूल, पाल्हिनन्दन, तृतिय तथा मार्टिएस मेमोरियल ईग्लिस स्कूल, सुनवलले सान्त्वना स्थान हासिल गर्न सफल भएका छन ।
कार्यक्रममा प्रमुख अतिथी सन्तोष रौनियारले जिसनले गरेका विविध कार्यक्रमले विद्यार्थीको विभिन्न प्रतिभा प्रस्फुटन गरिरहेको र यस कार्यक्रमले विद्यार्थीको अंगे्रजी शब्दभण्डार विकासका निम्ति प्रमुख भूमिका खेल्ने बताए । रौनियारले यस्ता कार्यक्रमले विद्यार्थीै आत्मविश्वास समेत बढ्ने बताए ।
कार्यक्रममा वरिष्ठ सल्लाहकार ईन्द्र गुरुङ्गले जिसनले विद्यार्थीको अन्र्तरनिहित प्रतिभा प्रस्फुटन गर्न गरिरहेको विभिन्न क्रियाकलाप मध्ये स्पेलिङ्ग बि ले विद्यार्थीमा स्वस्थ प्रतिस्प्रधाको भावन विकास गर्ने, आत्मविश्वा बढ्ने तथा विद्यार्थीको शब्दको अर्थ बुझ्ने क्षमताको समेत विकास हुने बताए ।
कार्यक्रममा बरिष्ठ सल्लाहकार धनराज चापागाईले यस किसीमको कार्यक्रमले विद्यार्थीको शैक्षिक गुणस्तरका साथै सम्झनसक्ने क्षमतामा समेत बृद्धिहुने हुदाँ यस्ता कार्यक्रम समय सापेक्ष सञ्चालन गरिरहन संस्थालाई आग्रह गरे ।
कार्यक्रममा सल्लाहकार भगवन्त प्रसाद धवल, सल्लाहकार दिपक पौडेल साथै कार्यसमितिका पदाधिकारी, विद्यार्थी, शिक्षक, लेखासमितिका पदाधिकारीको सहभागितामा कार्यक्रम सम्पन्न गरिएको थियो ।
कार्यक्रममा स्वागत मन्तव्य संस्थाका उपाध्यक्ष सञ्जय ढुङ्गानाको रहेको थियो भने कार्यक्रमको सञ्चालन संस्थाका सह सचिव तथा अतिरिक्त क्रियाकलाप संयोजक सोमनाथ पाठकको रहेको थियो । कार्यक्रममा प्रतियोगिताको सहजीकरण सागर भुषालले गरेका थिए ।
-1785342916.jpeg)
